លោកជំទាវ ហ៊ុន ម៉ាណា អគ្គនាយិកា វិទ្យុ និងទូរទស្សន៍ បាយ័ន្ត អញ្ជើញប្រគល់ផ្ទះទេវតាជាអំណោយដ៏ថ្លៃថ្លាសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំងបុត្រនិងចៅៗ ចំនួន ៣ខ្នង ក្នុងស្រុករមាសហែក ខេត្តស្វាយរៀង ពិធីនេះមានការអញ្ជើញចូលរួមអមដំណើរពី លោក តូច ប៉ូលីវ៉ា អភិបាលរងខេត្ត និងជាអនុប្រធានសហភាពសហព័ន្ធយុវជនកម្ពុជា ខេត្តស្វាយរៀង លោកប្រធានក្រុមប្រឹក្សាស្រុក លោកអភិបាស្រុក និងស.ស.យ.ក ស្រុក ។ បន្ទាប់មកលោកជំទាវ ក៏បាននាំយកសម្ភារទេយ្យទាននិងគ្រឿងឧបភោគបរិភោគរបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងឯកឧត្ដម ឌី វិជ្ជា និងលោកជំទាវ ហ៊ុន ម៉ាណា ព្រមទាំងបុត្រ ទៅប្រគេនព្រះសង្ឃគង់នៅវត្តដែលមានជីវភាពខ្វះខាត ក្នុងនោះវត្តក្នុងស្រុករមាសហែកចំនួន ៣ វត្ត វត្តក្នុងស្រុករំដួលចំនួន ៣វត្ត និងវត្តក្នុងស្រុកស្វាយជ្រំ ចំនួន ៥វត្ត ។