នៅថ្ងៃទី១៩ ខែកុម្ភះ ឆ្នាំ២០២៥នេះ លេខាធិការដ្ឋានគ.ខ.ប.ជ បានរៀបចំកិច្ចប្រជុំស្តីពីវឌ្ឍនភាព​ការងារប្រយុទ្ធប្រឆាំងអំពើជួញដូរមនុស្សប្រចាំឆ្នាំ២០២៤ និងលើកទិសដៅបន្ត ឆ្នាំ២០២៥ ក្រោម អធិបតីភាព លោកជំទាវ យក់ ស៊ីណាត អភិបាលរងខេត្ត និងអនុប្រធានអចិន្រ្តៃយ៍ គណកម្មាធិការ ប្រយុទ្ធប្រឆាំងអំពើជួញដូរមនុស្ស និងមានការអញ្ជើញចូលរួមពី លោកព្រះរាជអាជ្ញារងអមសាលាដំបូងខេត្ត លោកស្នងការរងនគរបាលខេត្ត លោកមេបញ្ជាការរងកងរាជអាវុធហត្ថខេត្ត និង លោក លោកស្រី ប្រធាន អនុប្រធាន និងសមាជិកនៃក្រុមការងារទាំង៦​នៃគណ:កម្មាធិការប្រយុទ្ធប្រឆាំងអំពើជួញដូរមនុស្ស លោកស្រី អភិបាលរងក្រុង ស្រុកទាំង៨​ ក្រុមការងារលេខាធិការដ្ឋាន និងអង្គការដៃគូរ ដែលមានវត្តមានចូលរួមចំនួន ៥៧នាក់ ស្រី ២១ នាក់ ​ក្នុងគោលបំណងត្រួតពិនិត្យការងារលទ្ធផល​ការងារប្រយុទ្ធប្រឆាំងអំពើជួញដូរមនុស្សប្រចាំឆ្នាំ២០២៤ ដែលសម្រេចបាន ការប្រឈម ដំណោះស្រាយ និងលើកទិសដៅ​ការងារបន្តឆ្នាំ២០២៥ ។