ឯកឧត្តមអភិបាលខេត្តស្វាយរៀងអញ្ជេីញចុះពិនិត្យវឌ្ឍនភាពការងារមួយចំនួននៅស្រុករមាសហែក
នៅរសៀលថ្ងៃអង្គារ ៧កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៤ ខែកុម្ភៈ ឆ្នាំ២០២៥នេះ ឯកឧត្តម ប៉េង ពោធិ៍សា អភិបាលខេត្តស្វាយរៀងបានអញ្ជេីញចុះពិនិត្យការងារមួយចំនួននៅស្រុករមាសហែករួមមាន
១- ពិនិត្យគម្រោងសាងសង់ផ្ទះគ្រួសារអតីតយុទ្ធជនជំហានទី៣ បន្ថែមនៅទីតាំងដីផ្ទះ៤០០ខ្នង ស្ថិតនៅភូមិជីកដី ឃុំអណ្តូងត្របែក ស្រុករមាសហែក ដែលកំពុងធ្វេីការសាងសង់បន្ថែមចំនួន៩០ខ្នងផ្ទះ។
២- ពិនិត្យការស្ថាបនាផ្លូវកៅស៊ូ DBST ប្រវែង១១.៨៦ គីឡូម៉ែត្រ សម្រេចបាន១៣,៣០%រយះពេលសាងសង់ចំនួន១២ខែ ដែលតភ្ជាប់ពីភូមិអំពិល ឃុំអំពិល ទៅដល់ភូមិតាវាំង ឃុំគគី ស្រុករមាសហែក ដែលគម្រោងគាំទ្រនិរន្តភាពហេដ្ឋរចនាសម្ព័ន្ធជនបទដើម្បីទីផ្សារកសិករ និងពាណិជ្ជូបនីយកម្មកសិកម្ម (SAAMBAT) នៃក្រសួងអភិវឌ្ឍន៍ជនបទ អនុវត្តដោយក្រុមហ៊ុន Shanghai Construction Group Co., Ltd.
៣-ពិនិត្យការបូមទឹកជូនប្រជាពលរដ្ឋក្នុងការបង្កេីនផលស្រូវរដូវប្រាំង នៅប្រឡាយកីយចក ត្រង់ចំណុចក្បាលហុង ស្ថិតនៅភូមិដក់ព ឃុំជ្រៃធំ ស្រុករមាសហែក ខេត្តស្វាយរៀង។
អញ្ជើញចូលរួមអមដំណេីឯកឧត្តមអភិបាលខេត្តក្នុងនោះដែររួមមាន៖ លោកស្នងការនគរបាលខេត្តនិងសហការី លោកប្រធាន អនុប្រធានមន្ទីរពាក់ពន្ធ័ក្នុងខេត្ត លោកអភិបាលស្រុករមាសហែក និងសហការី លោកអធិការនគរបាលស្រុកនិងសហការី លោកមេបញ្ជាការអាវុធហត្ថស្រុកនិងសហការី លោកមេបញ្ជាការរងផ្នែកសឹករងស្រុកនិងសហការី លោកស្រីមេឃុំអណ្ដូងត្របែកលោកនាយប៉ុស្តិ៍នគរបាលអណ្ដូងត្របែកព្រមទាំងមន្ត្រីពាក់ព័ន្ធមួយចំនួនទៀត។
