នៅថ្ងៃទី២៦ ខែមីនា ឆ្នាំ២០២៤នេះ ឯកឧត្តម ហែម ពិសិដ្ឋ អភិបាលរងខេត្តស្វាយរៀង តំណាងឯកឧត្តម ប៉េង ពោធិ៍សា អភិបាលខេត្តបានអញ្ជើញជាអធិបតីក្នុងកិច្ចប្រជុំរៀបចំផែនការចុះអនុវត្ដការកំណត់ព្រំ និងបោះបង្គោលដីចំណីព្រែក និងដីរបស់រដ្ឋ នៅស្រុកកំពង់រោទិ៍ និងស្រុកស្វាយទាប។
កិច្ចប្រជុំនេះមានការអញ្ជើញចូលរួមពីលោកប្រធានមន្ទីរពាក់ព័ន្ធក្នុងខេត្ត តំណាងកងកម្លាំងទាំង៣ លោកនាយករងរដ្ឋបាលសាលាខេត្ត លោកនាយក នាយករងទីចាត់ការអន្តរវិស័យសាលាខេត្ត លោកនាយកទីចាត់ការរដ្ឋបាលសាលាខេត្ត លោកប្រធានសភាពាណិជ្ជកម្មខេត្ត លោកអភិបាលស្រុកកំពង់រោទិ៍ លោកអភិបាលស្រុកស្វាយទាប និងអាជ្ញាធរពាក់ព័ន្ធមួយចំនួនទៀត។
