រដ្ឋបាលខេត្តស្វាយរៀងមានកិត្តិយសសូមថ្លែងអំណរគុណដ៏ជ្រាលជ្រៅជូនចំពោះបងប្អូនប្រជាពលរដ្ឋទាំងអស់ដែលបានចូលរួមទស្សនាយ៉ាងច្រើនកុះករក្នុងពិធីប្រណាំងទូកនៅខេត្តស្វាយរៀង កាលពីថ្ងៃទី១៨-១៩ ខែវិច្ឆិកា ឆ្នាំ២០២៣​ ដែលញ៊ាំងឲ្យពិធីនេះប្រព្រឹត្តទៅកាន់តែមានភាពអធិកអធមក្រៃលែង ។ ទន្ទឹមនេះ រដ្ឋបាលខេត្តក៏សូមសម្ដែងនូវការអរគុណ និងថ្លែងនូវការកោតសរសើរជូនចំពោះគណៈកម្មការ អនុគណៈកម្មការរៀបចំពិធីប្រណាំងទូក កងកម្លាំងប្រដាប់អាវុធគ្រប់ប្រភេទ ក្រុមគ្រូពេទ្យមន្ទីរសុខាភិបាលខេត្តនៃរដ្ឋបាលខេត្ត ក្រុមការងារយុវជន និងអាជ្ញាធរក្រុងស្វាយរៀង ដែលបានសហការរៀបចំ និងថែរក្សានូវសន្តិសុខ សុវត្ថិភាពយ៉ាងល្អប្រសើរ បង្កបរិយាកាសសប្បាយរីករាយជូនបងប្អូនប្រជាពលរដ្ឋ និងធ្វើឲ្យកម្មវិធីទាំងមូលដំណើរការទៅបានដោយរលូន ប្រកបដោយភាពជោគជ័យ តាំងពីដើមរហូតដល់ចុងបញ្ចប់ ។ សូមអរគុណ