នៅព្រឹកថ្ងៃទី១១ ខែតុលា ឆ្នាំ២០២៣នេះ ឯកឧត្តម ហែម ពិសិដ្ឋ អភិបាលរងខេត្តស្វាយរៀង តំណាងឯកឧត្តម ប៉េង ពោធិ៍សា អភិបាលខេត្ត បានអញ្ជេីញជាអធិបតីក្នុងកិច្ចប្រជុំពិភាក្សាស្តីពីការកំណត់ព្រំប្រទល់អាងទឹកមួយចំនួនរួមមាន អាងទឹកបាធូ អាងទឹកត្រដែត អាងទឹកអូស្មាច់ អាងទឹកទន្លេវ៉ៃគោក្រោម ស្ថិតនៅស្រុកចន្ទ្រា,ស្រុកកំពង់រោទិ៍,ស្រុកស្វាយទាប,ស្រុកស្វាយជ្រំ និងក្រុងស្វាយរៀង។
កិច្ចប្រជុំនេះក៏មានការអញ្ជេីញចូលរួមពី លោកនាយករងរដ្ឋបាលសាលាខេត្ត លោកប្រធានមន្ទីរ លោកនាយកទីចចាត់ការអន្តរវិស័យសាលាខេត្ត លោកប្រធានការិយាល័យគ្រប់គ្រងអភិវឌ្ឍ និងសំណង់សាលាខេត្ត លោកអភិបាលក្រុងស្រុកពាក់ព័ន្ធ លោកប្រធានការិយាល័យរៀបចំដែនដី នគររូបនីយកម្ម សំណង់និងភូមិបាលសាលាក្រុង ស្រុកពាក់ព័ន្ធ។
