អាជ្ញាធរខេត្តស្វាយរៀង បន្តចុះត្រួតពិនិត្យទីតាំង និង អាជ្ញាបណ្ណដែលធ្លាប់ផ្តល់កន្លែងលេងល្បែងសុីសង នៅក្រុងបាវិត
នៅថ្ងៃទី១៣ ខែកញ្ញា ឆ្នាំ២០២៣ ឯកឧត្តម សេង សីលា និងឯកឧត្តម ម៉ែន អេង អភិបាលរងខេត្តស្វាយរៀង តំណាងឯកឧត្តម ប៉េង ពោធិ៍សា អភិបាលខេត្ត បានអញ្ជើញចុះពិនិត្យទីតាំងមួយចំនួនស្ថិតនៅក្នុងសង្កាត់បាវិត ក្រុងបាវិត ខេត្តស្វាយរៀង ដែលធ្លាប់ផ្តល់កន្លែងលេងល្បែងសុីសង និងអាជ្ញាបណ្ណ ។ សមាសភាពចូលរួមក្នុងឱកាសនោះមានលោកអភិបាលក្រុងបាវិត លោកអភិបាលរងក្រុង មន្ត្រីសាលាក្រុង លោកអធិការរងក្រុងបាវិត កម្លាំងកងរាជអាវុធហត្ថក្រុង និងមន្ត្រីដែលមានការពាក់ព័ន្ធនានាជាច្រើនរូប ផងដែរ ។
