នៅមណ្ឌលសុខភាពបាវិត​ នាព្រឹកថ្ងៃទី២៥ ខែមិថុនា ឆ្នាំ២០២៣នេះ តាមការចាត់តាំងដ៏ខ្ពស់ខ្ពស់ពីសម្ដេចអគ្គមហាសេនាបតីតេជោ ហ៊ុន​ សែន​ នាយករដ្ឋមន្ត្រី​នៃព្រះរាជាណាចក្រកម្ពុជា​ ឯកឧត្តម​ ម៉ែន​ វិបុល​ អភិបាលខេត្តស្វាយរៀង​ និងឯកឧត្តម​ ព្រាប​ កុល​ រដ្ឋមន្ត្រីប្រតិភូអម​នាយករដ្ឋមន្ត្រី​ និងសហការីបាននាំយកនូវថវិកាឧបត្ថម្ភចំនួន ៥លានរៀល និង២០០ដុល្លារ ដែលជាអំណោយដ៏ថ្លៃថ្លារបស់សម្ដេចតេជោ និងសម្ដេចកិត្តិព្រឹទ្ធបណ្ឌិត​ ផ្ដល់ជូនកម្មការិនី ឈ្មោះ ឆឹម ស្រីនីត បម្រើការងារនៅរោងចក្រសាន់ហ្វេង ដែលបានឈឺពោះសម្រាលកូន នាវេលាម៉ោង ៦:៣៥នាទី នៅពេលអញ្ជេីញមកចូលរួមពិធីសំណេះសំណាលកម្មករ កម្មការិនី​ ក្រោមអធិបតីភាពសម្តេចតេជោ​ ស្ថិតនៅតំបន់សេដ្ឋកិច្ចពិសេសមេនហាតធេន​ ក្រុងបាវិត។