នៅរសៀលថ្ងៃទី១៦ ខែមិថុនា ឆ្នាំ២០២៣នេះឯកឧត្តម ហែម ពិសិដ្ឋ និងឯកឧត្តម ប៉េង ពោធិ៍សា អភិបាលរងខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្តបានអញ្ជើញដឹកនាំក្រុមការងារចុះពិនិត្យមើលដំណើរការសាងសង់ផ្ទះ និងហេដ្ឋារចនាសម្ព័ន្ធ ជូនគ្រួសារយោធិន នគរបាលការពារព្រំដែន និងគ្រួសារអតីតយុទ្ធជន ស្ថិតនៅឃុំចន្ទ្រា ស្រុកចន្ទ្រា និងឃុំត្នោត ស្រុកកំពង់រោទិ៍ ខេត្តស្វាយរៀង​។​អញ្ជើញចូលរួមក្នុងឱកាសនោះមាន លោកប្រធានមន្ទីរ-អង្គភាពពាក់ព័ន្ធនានាក្នុខេត្ត លោកអភិបាលស្រុកចន្ទ្រា​ និងស្រុកកំពង់រោទិ៍​ កងកម្លាំងការពារព្រំដែន​ លោកនាយកទីចាត់ការអន្តរវិស័យសាលាខេត្ត លោកនាយករងទីចាត់ការរដ្ឋបាលសាលាខេត្ត លោកប្រធានការិយាល័យសេដ្ឋកិច្ច និងសង្គមកិច្ចសាលាខេត្ត។