នៅយប់ថ្ងៃអង្គារ ៧កើត ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៨ ខែមីនា ឆ្នាំ២០២៣
កម្លាំងចម្រុះដឹកនាំដោយឯកឧត្តម តូច ប៉ូលីវ៉ា អភិបាលរងខេត្តស្វាយរៀង ប្រធានលេខាធិការដ្ឋានត្រួតពិនិត្យគ្រឿងញៀនខេត្ត និងជាប្រធានការិយាល័យBLO បាវិត តំណាងឯកឧត្ដម ម៉ែន វិបុលអភិបាលខេត្ត បានចុះធ្វើលំហាត់អនុវត្តល្បាតចល័តត្រួតពិនិត្យតាមបណ្តោយផ្លូវជាតិលេខ១ ចម្ងាយប្រហែល២,៣គីឡូម៉ែត្រពីច្រកទ្វារព្រំដែនអន្តរជាតិបាវិត ដើម្បីបង្កាទប់ស្កាត់បទល្មើសឆ្លងដែនពិសេសបទល្មើសគ្រឿងញៀនខុសច្បាប់។
ដោយមានការចូលរួមពី លោកឧត្ដមសេនីយ៍ត្រី កែវ សុថា ស្នងការរងនគរបាលខេត្ត លោក វណ្ណ សុមន្នី អភិបាលរងក្រុងបាវិត កម្លាំងការិយាល័យប្រឆាំងគ្រឿងញៀនខេត្ត កម្លាំងនគរបាលក្រុងបាវិត រាជអាវុធហត្ថក្រុងបាវិត សរុបរួមចំនួន ៣៥នាក់។
