នាថ្ងៃចន្ទ ៦កេីត ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៧ ខែមីនា ឆ្នាំ២០២៣នេះ ឯកឧត្ដម ហែម ពិសិដ្ឋ អភិបាលរងខេត្តស្វាយរៀង តំណាងឯកឧត្ដម មែន វិបុល អភិបាលខេត្ត បានអញ្ជេីញជាអធិបតីក្នុងពិធីសម្ពោធឧបដ្ឋានសាលា និងសមិទ្ធផលនានា នៅវត្តខ្លាលោត ស្ថិតក្នុងភូមិខ្លាលោត ឃុំកំពង់ត្រាច ស្រុករមាសហែក ខេត្តស្វាយរៀង។
មានប្រសាសន៍ទៅកាន់ពិធីនេះ ឯកឧត្តមអភិបាលរងខេត្តបានពាំនាំនូវប្រសាសន៍ផ្ដាំផ្ញើសួរសុខទុក្ខ និងក្ដីនឹករលឹកពីសម្ដេចតេជោនាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិត ព្រមទាំងលោកជំទាវកិត្តិសង្គហ បណ្ឌិត ម៉ែន សំអន ប្រធានក្រុមការងារចុះជួយខេត្តស្វាយរៀង ឯកឧត្តម នាយឧត្តមសេនីយ៍ សៅ សុខា និងឯកឧត្តម ម៉ែន វិបុល អភិបាលខេត្តស្វាយរៀងជូនដល់បងប្អូនប្រជាពលរដ្ឋទាំងអស់ក្នុងពិធីនេះ។ ទន្ទឹមនេះ ឯកឧត្តមបានថ្លែងការអរគុណចំពោះអាជ្ញាធរគ្រប់លំដាប់ថ្នាក់ នៅស្រុករមាសហែកបងប្អូនប្រជាពលរដ្ឋ ព្រះសង្ឃ ព្រះតេជគុណគ្រប់ព្រះអង្គ ដែលបានចូលរួមយ៉ាងសកម្មរួមចំណែកជាមួយប្រមុខរាជរដ្ឋាភិបាល នៅក្នុងការលើកកម្ពស់គុណតម្លៃ នៃសន្តិភាព តាមរយៈការចូលរួមថ្កោលទោសចំពោះទណ្ឌិតសម រង្ស៉ី ក៏ដូចជាគាំទ្រចំពោះចំណាត់ការរបស់រាជរដ្ឋាភិបាលទៅលើបុគ្គល កឹម សុខា ក្នុងសំណុំរឿងក្បត់ជាតិ ។
ឯកឧត្តមបន្ថែមថា ការរួមគ្នារក្សាសន្តិភាព ជាឆន្ទៈដ៏ពិតប្រាកដ នៅក្នុងការគាំទ្រនូវគោលនយោបាយដឹកនាំដ៏ត្រឹមត្រូវរបស់ប្រមុខរាជរដ្ឋាភិបាល ចំពោះសមិទ្ធផល និងលទ្ធផល ពិតដូចដែលយេីងមេីលឃេីញទាំងអស់គ្នាមិនអាចប្រកែកបានឡើយ។
ជាចុងបញ្ចប់នៃពិធីនេះ ឯកឧត្ដមបាននាំយកនូវថវិការរបស់លោកជំទាវគត្តិសង្គហបណ្ឌិត ម៉ែន សំអន ,ឯកឧត្ដម សៅ សុខា និងថវិកាក្រុមការងារទាំងអស់ចំនួន ២០លានរៀល និង 200$ សម្រាប់កសាងវត្ត និងបានផ្ដល់ថវិការជូន តាជី យាយជី ៥០នាក់ ម្នាក់ៗ ទទួលបាន ១០០០០៛,ក្រុមប្រឹក្សាឃុំ២៦នាក់ ម្នាក់ៗទទួលបាន ២០០០០៛,លោក លោកស្រី មេភូមិ ជំនួយការភូមិ ៣០នាក់ ម្នាក់ៗទទួលបាន ២០០០០៛ , ប្រជាការពារឃុំ ១២នាក់ ម្នាក់ៗទទួលបាន ២០០០០៛ ,លោកគ្រូអ្នកគ្រូ ២១នាក់ ម្នាក់ៗទទួលបាន ២០០០០៛ ,សិស្សានុសិស្សនៅសាលាបឋមសិក្សាខ្លាលោត ៦៦២នាក់ ម្នាក់ទទួលបាន ៥០០០៛,ប្រជាពលរដ្ឋក្នុងភូមិខ្លាលោត ១៨៣នាក់ ម្នាក់ទទួលបាន ១០០០០៛ និងកងកម្លាំងទាំងបីចំនួន៦០០,០០០៛ ផងដែរ។
channel telegrame ឯកឧត្តមអភិបាលខេត្តhttps://t.me/menvibolរដ្ឋបាលខេត្តស្វាយរៀង៖ https://t.me/svayriengAdmin
