នាថ្ងៃទី១១ ខែ មិថុនា ឆ្នាំ២០២៦នេះ លោក​ កង វណ្ណារ៉ូ អភិបាលរងខេត្តស្វាយររៀង តំណាងឯកឧត្តម​ ប៉េង​ ពោធិ៍សា​ អភិបាល​ នៃគណៈអភិបាលខេត្ត បានចូលរួមជាអធិបតីភាពក្នុងកម្មវិធីប្រគល់-ទទួលវគ្គទី៤ ជូនកុំព្យូរទ័រយួរដៃ រដ្ឋបាលឃុំអាទិភាពទី២ ចំនួន១០ឃុំ របស់គណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ។ កម្មវិធីនេះមានការអញ្ជើញចូលរួមពី លោកប្រធានមន្ទីរសេដ្ឋកិច្ចនិងហិរញ្ញវត្ថុខេត្ត លោកនាយកទីចាត់ការហិរញ្ញវត្ថុសាលាខេត្ត និងមន្ត្រីរាជការ សរុបចំនួន៤៥នាក់ ចំពោះកុំព្យូរទ័រយួរដៃដែលផ្ដល់ជូនដល់ឃុំ/សង្កាត់ ក្នុងខេត្តស្វាយរៀងគឺដើម្បីប្រើប្រាស់ប្រព័ន្ធ SARMIS ដែលជាគម្រោងគាំទ្ររបស់ក្រុមការងារកំណែទម្រង់ហិរញ្ញវត្ថុសាធារណៈ លើការគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋឲ្យមានប្រសិទ្ធិភាពខ្ពស់ដែលគ្រោងនឹងផ្ដល់ជូន៨០ គ្រឿង ជូន ៨០ ឃុំ/សង្កាត់ ជាក់ស្ដែងបូកសរុបទាំងលើកនេះ ការផ្ដល់កុំព្យូទ័រ បានចំនួនសរុប ៧០ គ្រឿងហើយ ៕