លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជេីញចុះសួសុខទុក្ខក្រុមគ្រួសារលោកអនុសេនីយ៍ទោ តែម សុខជា ស្ថិតនៅភូមិទួលស្តី ឃុំទួលស្តី ស្រុកចន្ទ្រា ខេត្តស្វាយរៀង
នៅថ្ងៃចន្ទ២រោច ខែស្រាពណ៍ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី១១ ខែសីហា ឆ្នាំ២០២៥នេះ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បះ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង ឯកឧត្តម ម៉ែន វិបុល ប្រធានក្រុមប្រឹក្សាខេត្ត និងឯកឧត្តមប៉េង ពោធិ៍សា អភិបាលខេត្ត និងលោកជំទាវបានអញ្ជេីញចូលរួមអមដំណើរលោកជំទាវបណ្ឌិត ពេជ ចន្ទមុន្នី ភរិយាសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នាំអំណោយជាគ្រឿងឧបភោគ បរិភោគ និងថវិកា អញ្ជេីញចុះសួសុខទុក្ខក្រុមគ្រួសារលោកអនុសេនីយ៍ទោ តែម សុខជា ស្ថិតនៅភូមិទួលស្តី ឃុំទួលស្តី ស្រុកចន្ទ្រា ខេត្តស្វាយរៀង ដែលជាមន្ត្រីយោធាបម្រើការងារនៅកងឯកភាព កងពលធំអន្តរាគមន៍លេខ៣ ដែលបានពលីជីវិតនៅក្នុងសមរភូមិប្រយុទ្ធជាមួយនឹងការឈ្លានពានរបស់ភាគីថៃនៅខេត្តព្រះវិហារ ក្នុងជន្មាយុ ៤៣ឆ្នាំ។
អញ្ជេីញចូលរួមក្នុងឧកាសនោះដែររួមមាន ឯកឧត្តម លោកជំទាវជាគណៈប្រតិភូលោកជំទាវបណ្ឌិត ឯកឧត្តម លោកជំទាវសមាជិកក្រុមប្រឹក្សាខេត្ត លោក លោកស្រីអភិបាលរងខេត្ត លោកនាយកទីចាត់ការហិរញ្ញវត្ថុសាលាខេត្ត លោក លោកស្រីប្រធានមន្ទីរ/អង្គភាពនានាក្នុងខេត្ត លោកអភិបាលស្រុកចន្ទ្រា ស្រុកកំពង់រោទិ៍ យុវជនកាយរិទ្ធ ព្រមទាំងអាជ្ញាធមូលដ្ឋាន និងប្រជាពលរដ្ឋជាច្រេីនរូបទៀត។
