នៅថ្ងៃទី១០​ ខែកញ្ញា​ ឆ្នាំ២០២៤នេះ​ ឯកឧត្តម​ ហែម​ ពិសិដ្ឋ​ អភិបាលរងខេត្តស្វាយរៀង​ តំណាងឯកឧត្តម​ ប៉េង​ ពោធិ៍សា​ អភិបាលខេត្ត​ បានអញ្ជេីញចូលរួមក្នុងកិច្ចប្រជុំពិភាក្សា​ ករណីគណៈគ្រប់គ្រងតំបន់សេដ្ឋកិច្ចខេត្តតៃនិញ​ ប្រទេសវៀតណាម​ ជូនដំណឹងអំពីការអភិវឌ្ឍហេដ្ឋារចនាសម្ព័ន្ធនៅទលមុខនឹងច្រកទ្វាព្រំដែនអន្តរជាតិបាវិត​ ប្រទេសកម្ពុជា។ កិច្ចប្រជុំនេះមានការអញ្ជេីញចូុលរួមពី​ លោកនាយករងរដ្ឋបាលសាលាខេត្ត​ លោកស្នងការនគរបាលខេត្ត​ លោកអភិបាលក្រុងបាវិត​ លោកប្រធានមន្ទីរពាក់ព័ន្ធ​ លោកប្រធានត្រួតពិនិត្យទីស្នាក់ការច្រកទ្វាព្រំដែនអន្តរជាតិបាវិត​ លោកនាយប៉ុស្តិ៍នគរបាលអន្តោប្រវេសន៍ច្រកទ្វាអន្តរជាតិបាវិត​ លោកនាយកទីចាត់ការចំណុះសាលាខេត្ត​ ព្រមទាំងប្រធានការិយាល័យគយ​ និងរដ្ឋាករបាវិត។